Pas vdekjes së Arian Dacit nga orteku, Qendra e Skijimit në Brezovicë do të mbyllet për dy ditë.
Këtë e ka bërë të ditur, Drejtori i Agjencisë për Mbrojtje të Mjedisit në Kosovë, lir Morina.
“E gjithë qendra do të mbyllet për dy ditë si pasojë e ngjarjes dhe hetimeve që do të zhvillohet për rastin. Agjencia e Mjedisit ka paralajmëruar mbrëmë se gjendja është shumë e vështirë si pasojë e reshjeve shumë të mëdha dhe s’ka qenë e mundur të pastrohen as rrugët e as pista në Qendër”, ka thënë Morina.
Ndërkaq, më herët, trupi i viktimës Arian Daci, është bartur me motor-ski nga ambulanta ku qëndroi deri më tani, në Institutin e Mjekësisë Ligjore për t’iu nënshtruar obduksionit.
