Ilaçi popullor kundër dhembjeve dhe fryrjeve të stomakut!
Fryrja e stomakut mund të jetë e dhembshme, e pakëndshme dhe shkakton gazra. Kështu mund ta eliminoni këtë gjendje edhe pa ilaçe, transmeton Telegrafi.
Stomaku më së shpeshti fryhet për shkak të ushqimit, i cili vështirë tretet, mirëpo mund të jetë shenjë edhe që në trup zhvillohet sëmundje e rrezikshme, siç është karcinoma.
Nëse shpesh ndieni fryrje stomaku, duhet patjetër të kërkoni ndihmën e mjekut, ndërkaq shumë ekspertë për shërimin e këtij problemi rekomandojnë bimën të cilën pothuajse çdokush e ka në kuzhinë.
Fjala është për majdanozin i cili është diuretik, antiseptik dhe rregullon inflamacionin, ndërkaq me shekuj është i njohur si bimë shumë shëruese në mjekësinë popullore.
Majdanozi ka cilësi karminative, si edhe borziloku, maraqi, kamomili, që e bën ilaç të fuqishëm natyral, i cili zgjidh problemin e fryrjes dhe të gazrave.
Mund të zieni çaj nga majdanozi, të pini ujë në të cilin ka qëndruar majdanozi apo ta qitni në gjellë në mënyrë që të ndihmojë në rregullimin e metabolizmit dhe punën e zorrëve.
Gjithashtu, majdanozi përmban thartirë folike, antioksidante, bashkime të shëndetshme (miristicinë dhe apiol) dhe vitaminat K, C dhe A, andaj është ilaç i shkëlqyeshëm natyral për gjithë organizmin.
Shumica e ekspertëve e rekomandojnë edhe xhenxhefilin kundër fryrjes së stomakut. /Telegrafi/
