Aleanca Kosova e Re dhe Nisma Socialdemokrate kanë zyrtarizuar koalicionin e përbashkët parazgjedhor, në një konferencë për media.
Para gazetarëve presidenti i AKR-së, Behgjet Pacolli tha se vendimin për tu bërë bashkë me Nismën e kanë marrë mbrëmë.
“Mbrëmë kemi vendosr që të formjmë një koalicion, të cilin do ta quaja qendra e artë ose boshti i mesëm, që do të jetë e rëndësishme në formimin eq everisë së ardhshme. Do të jemi në koalicion parazgjedhor do të garojmë në një listë të përbashkët lista do ta ketë kandidatin e saj për kryeministër”, ka thënë Pacolli.
Kurse kryetari i Nismës, Fatmir Limaj tha se ky koalicion është i hapur edhe për partitë e tjera, duke bërë të ditur se do të jetë kandidat për kryeministër.
“është një lajm i mirë për vendin, zhvillimet politike në vend, lajm që tregon se me këtë vendim për të ndërtar një bosht politik rreth secilit presim të bashkohen edhe grpe tjera politike, tregon urtësinë, seriozitetin e këtyre zgjedhjeve që na presin. Jam i nderuar që do ti prij listes dhe do të jem kandidat për kryeministër”, tha Limaj.
Ai shtoi se koalicioni Nisma-AKR do të jetë përcaktues i qeverisë së ardhshme të Kosovës. /Telegrafi/
