Rugova për përleshjet në LDK: Këto nuk janë forma veprimi të LDK-së, ato do të ndërpriten

0

Nënkryetari i Lidhjes Demokratike të Kosovës (LDK), si dhe kryetari i Komunës së Istogut, Haki Rugova në emisionin “Zyra e Ankesave”, foli për përleshjet që po ndodhin në LDK si dhe për disa probleme në fshatrat e Istogut.

Rugova tha se shumë shpejt këto veprime që po ndodhin në LDK do të ndërpriten, pasi siç tha ai këto nuk janë forma veprimi të LDK-së, transmeton Telegrafi.

Lexo po ashtu:

Ishte i përfshirë në përplasjen e LDK-së, suspendohet zyrtari i Shërbimit Korrektues të Kosovës

“Kapak dikush na akuzoi, na ngucëm nga pak mes veti por prapë pajtohemi. Këto janë normale- demokraci. LDK nuk i ka këto format e veprimit dhe shumë shpejt do të ndërpriten”, ka thënë ai.

Ndërsa, për problemin e kanalizimit të fshatit Rakosh, ai tha se edhe kjo do të rregullohet.H“Janë bërë disa aktivitete aty dhe në fshatrat përreth. Duhet të pastrohet, të rregullohet dhe të intervenohet aty. Ai kanalizim është pak delikat sepse poshtë rrugës kalon një përrua dhe po bllokohet, edhe qytetarët po e bllokojnë vet”, u shpreh Rugova. /Telegrafi/

SHPËRNDAJE
Artikulli paraprakPiloti zviceran tregon detaje pas turbulencës në linjën Prishtinë-Bazel: Pasagjerët duhet të ishin paralajmëruar
Artikulli tjetërNaim Maloku në gjendje të rëndë, nuk i kishte pranuar paratë e Qeverisë për shërim Nga M P – 19/06/2019