Ministri i Tregtisë dhe Industrisë përmes një postimi në facebook ka njoftuar se kanë bërë organizimin e pikave shitëse mobile me pakicë në veriun e vendit.
Postimi i tij i plotë:
“Ministria e Tregtisë dhe Industrisë në bashkëpunim me disa prej bizneseve më të mëdha të vendit që merren me shitjen e produkteve ushqimore, dhe në koordinim me Zyrën e Kryeministrit dhe Ministrinë e Punëve të Brendshme kemi organizuar pika shitëse mobile me pakicë në veriun e vendit.
Tashmë skenari i Serbisë për propagandë është demaskuar dhe Qeveria e Kosovës mbetet e përkushtuar për të gjithë qytetarët pa dallim.
Qeveria e Republikës së Kosovës në bashkëpunim të ngushtë me komunitetin e biznesit në Republikën e Kosovës ka organizuar hapjen e pikave shitëse të përkohshme me pakicë në veriun e vendit.
Qëllimi i vetëm i këtij aksioni është ofrimi i të gjitha produkteve elementare banorëve të asaj ane.
Sot iu kemi dhënë përgjigje të gjitha veprimeve politike të orkestruara nga Serbia, përgjigje e cila vulosë sovranitetin e Republikës së Kosovës.
Asnjë qytetarë i Kosovës nuk do të jetë viktimë e luftës speciale që orkestrohet nga agjentë të jashtëm. Kosova është shtet që ne ndajmë bashkë si shoqëri!” është shprehur ministri Shala.
