Sot në Prishtinë u inaugurua objekti i ri i Ambasadës së Shteteve të Bashkuara të Amerikës.
Përurimi i ndërtesës së re të kësaj ambasade, mblodhi në Dragodan liderë të ndryshëm të vendit, për të cilët dhe SHBA-të kishin përgatitur protokollin e saj të ceremonisë së hapjes zyrtare të shtëpisë më të re, njofton Klan Kosova.
Megjithatë krahas renditjes që ishte bërë për mysafirët, kryeministrit Ramush Haradinaj nuk iu ishte ndarë një ulëse krah personaliteteve të larta politike siç ishte ajo e presidentit Hashim Thaçi pranë kongresistit Eliot Engel si dhe ambasadorit të SHBA-ve Philip Kosnett.
Një vend të tillë e kishte zënë po ashtu kryetari i Prishtinës, Shpend Ahmeti i cili pati dhe fjalë rasti pas ndërkombëtarëve.
Ngjashëm ndodhi edhe tek momenti i prerjes së shiritit, ku veç Thaçit, Ahmetit, Engel e Kosnett, nuk u pa i pranishëm Haradinaj.
Sipas fotografive të publikuara, kryeministri Ramush Haradinaj përcolli tërë ngjarjen në këmbë prapa personaliteteve të tjera të larta politike të vendit të cilëve iu ishte rezervuar nga një vend i veçantë.Figurë
